Gjaldskrá Lögmannsstofu Ólafs Björnssonar ehf.

I. KAFLI – ALMENNT

  1. Gjaldskrá þessi gildir fyrir Lögmannsstofu Ólafs Björnssonar ehf. kt. 670705-1100 (LÓB) og hefur að geyma almennar viðmiðunarreglur um gjaldtöku fyrir veitta lögfræði-, innheimtu-, fasteignasölu- og mælingaþjónustu eða aðra sérfræðiþjónustu stofunnar, sé ekki um annað samið.
  2. Lögmenn, lögfræðingar, mælingamenn og aðrir sérfræðingar stofunnar áskilja sér hæfilega þóknun fyrir störf sín í samræmi við lög um lögmenn nr. 77/1998 og siðareglur Lögmannafélags Íslands, með hliðsjón af umfangi verks, þeim hagsmunum sem um er fjallað og þeirri ábyrgð sem starfinu fylgir. Nær þetta jafnframt til hlutdeildar í fjárhæð málsins og með hliðsjón af niðurstöðu máls, sbr. 1. mgr. 24. gr. laga nr. 77/1998. Loforð um ósanngjarnt endurgjald fyrir starf lögmanns bindur ekki umbjóðanda hans.
  3. Viðskiptamaður ber ábyrgð á greiðslu þóknunar og útlagðs kostnaðar lögmannsstofunnar, hvort sem hún fæst greidd úr hendi gagnaðila eður ei.
  4. Lögmenn og sérfræðingar stofunnar halda sérstaka skrá yfir vinnustundir við einstök mál þar sem þóknun ákvarðast ekki eingöngu af hagsmunum.
  5. Allar þóknunarfjárhæðir í gjaldskránni eru tilgreindar án virðisaukaskatts (án vsk.), en 24% virðisaukaskattur leggst ofan á þóknun samkvæmt lögum.
  6. Hvar sem þóknun í gjaldskrá þessari er ákveðin að krónutölu en ekki sem hundraðshluti af verðmæti, skal líta á fjárhæð þóknunarinnar sem grunngjald er breytist í samræmi við verðlagsþróun.
  7. Ef lögmann greinir á við umbjóðanda sinn um rétt til endurgjalds eða fjárhæð þess getur annar þeirra eða þeir báðir lagt málið fyrir úrskurðarnefnd lögmanna skv. 26. gr. laga nr. 77/1998.

II. KAFLI – TÍMAGJÖLD OG REIKNINGSFÆRSLA

  1. Tímagjald lögmanna (hrl. og hdl.), lögfræðinga og löglærðra fulltrúa stofunnar er kr. 38.000,- auk vsk. ( 47.120,- m/vsk.) fyrir hverja unna vinnustund.
  2. Tímagjald vegna sérhæfðrar tæknivinnu, vettvangsmælinga, gagnaúrvinnslu, GPS-hnitsetningar og kortagerðar er kr. 25.000,- auk vsk. ( 31.000,- m/vsk.) fyrir hverja unna vinnustund.
  3. Vinnutími er skráður í 15 mínútna einingum (1/4 úr klukkustund fyrir hverjar byrjaðar 15 mínútur). Viðskiptavinur getur ávallt óskað eftir sundurliðaðri tímaskýrslu úr málakerfi stofunnar.
  4. Fyrir afgreiðslu símtala og ritun tölvupósta sem fela í sér efnislega ráðgjöf eða gagnaafgreiðslu eru að lágmarki skráðar 15 mínútur.
  5. Í tímagjaldinu er innifalinn ýmis nauðsynlegur skrifstofukostnaður svo sem ljósritun, útprentun, vélritun og póstburðargjöld.
  6. Heimilt er að áskilja hærra tímagjald (allt að 50% álag) ef verkefni krefst sérstakrar hraðafgreiðslu, vinnu utan reglulegs vinnutíma, fer fram á erlendu tungumáli eða ef sérstaklega miklir hagsmunir eru í húfi.

III. KAFLI – MÁLFLUTNINGUR OG DÓMSMÁL

  1. Ákvæði þessa kafla taka til málflutnings fyrir dómi og eftir því sem við á fyrir stjórnvaldi, gerðardómi og nefndum.
  2. Málflutningsþóknun er reiknuð af samanlagðri fjárhæð höfuðstóls og vaxta við dómtöku máls, en getur aldrei orðið lægri en sem nemur tímagjaldi samkvæmt tímaskráningu.
  3. Munnlegur málflutningur og gagnaöflun eftir þingfestingu: Grunngjald er kr. 150.000,- að viðbættum: 15% af stefnufjárhæð og vöxtum allt að kr. 4.300.000,- 7% af næstu kr. 8.600.000,-4% af því sem umfram er.
  4. Áritunarmál og útivistarmál (skv. XVII. kafla eml.): Grunngjald er kr. 30.000,- að viðbættum 25% af fyrstu kr. 50.000,-, 10% af næstu kr. 2.500.000,-, 5% af næstu kr. 5.000.000,- og 3% af því sem umfram er.
  5. Mál sem sættast fyrir aðalmeðferð: Grunngjald er kr. 150.000,- að viðbættum 12,5% af fyrstu kr. 4.300.000,-, 6% af næstu kr. 8.600.000,- og 3% af því sem eftir er.
  6. Í málum þar sem örðugt er að meta hagsmuni til fjár eða þar sem um lágar fjárhæðir er að ræða en úrslit máls hafa verulega þýðingu, miðast þóknun við tímagjald eftir umfangi máls.
  7. Lögmaður á rétt á sérstakri þóknun fyrir flutning um formhlið máls, dómkvaðningu matsmanna, meðferð matsmáls og vegna höfðunar og reksturs vitnamáls, allt eftir umfangi verks og vinnuframlagi.
  8. Málskostnaður sem dæmist í máli fellur til málsaðila. Dæmdur málskostnaður hefur ekki áhrif á rétt lögmanns til endurgjalds samkvæmt gjaldskrá þessari eða verksamningi.

IV. KAFLI – INNHEIMTUR

  1. Innheimtuþóknun reiknast af samanlagðri fjárhæð höfuðstóls og vaxta. Skuldari ber ábyrgð á greiðslu innheimtuþóknunar, en kröfuhafi ber ábyrgð gagnvart lögmanni að því leyti sem innheimtan reynist árangurslaus.
  2. Grunngjald innheimtuþóknunar er kr. 9.000,-
  3. Við grunngjaldið bætist, af samanlagðri fjárhæð höfuðstóls og vaxta:
    1. 25% af fyrstu kr. 90.000,- innheimtufjárhæðar
    2. 15% af næstu kr. 180.000,- innheimtufjárhæðar
    3. 10% af næstu kr. 550.000,- innheimtufjárhæðar
    4. 5% af næstu kr. 5.260.000,- innheimtufjárhæðar
    5. 3% af því sem umfram er
  1. Sé innheimtan fyrir aðila búsettan erlendis skal kröfuhafi greiða 15% af innheimtri fjárhæð.
  2. Þegar stofnun kröfu hefur í för með sér aukna vinnu eða kostnað vegna eðlis kröfunnar, svo sem um lögveðskröfur þegar kanna þarf þinglýstan eiganda og hvort eign sé á uppboði, er tekið sérstakt viðbótargjald eftir umfangi þeirrar vinnu.
  3. Heimilt er að veita 15% afslátt af þóknun ef skuld er greidd innan 10 daga frá dagsetningu innheimtubréfs.
  4. Kröfuhafi ber, gagnvart lögmanni, ábyrgð á greiðslu þóknunar og öllum útlögðum kostnaði ásamt vöxtum.
  5. Stök innheimtuverk:
    1. Ritun greiðsluáskorunar, aðfararbeiðni, nauðungarsölubeiðni eða kröfulýsingar: kr. 17.000,- auk tímagjalds.
    2. Ritun innheimtustefnu: kr. 25.000,-.
    3. Frestun aðfarargerðar eða nauðungarsölu: kr. 4.500,-.
    4. Greiðslusamningar: kr. 500,- í umsýslugjald á hverja mánaðarlega kröfustofnun í banka.

V. KAFLI – MÓT

  1. Þóknun fyrir mót í máli hjá héraðsdómi, Landsrétti, Hæstarétti, sýslumanni eða öðru stjórnvaldi er kr. 14.000,- (miðað við allt að 30 mínútur með ferðum). Fari meiri tími til verksins reiknast tímagjald fyrir hverjar byrjaðar 30 mínútur.
  2. Mót við lokasölu á nauðungaruppboði: kr. 27.000,-.
  3. Fyrir fyrsta mót í máli hjá sýslumanni er heimilt að reikna sérstaka þóknun miðað við kröfufjárhæð:
    1. Af kröfum allt að fjárhæð kr. 675.000,- kr. 30.000,-
    2. Af kröfum að fjárhæð kr. 675.000,- til 1.350.000,- kr. 35.000,-
    3. Af kröfum að fjárhæð yfir kr. 1.350.000,- kr. 40.000,-
    4. (Þóknun er reiknuð af samanlagðri fjárhæð höfuðstóls og vaxta.)
  4. Fyrir mót í málum þar sem örðugt er að meta hagsmuni til fjár má taka tillit til mikilvægis málsins, umfangs og tímalengdar.

VI. KAFLI – TJÓNABÆTUR OG SLYSAMÁL

    1. Fyrir uppgjör og samninga um tjónabætur skal þóknun vera samkvæmt tímagjaldi skv. II. kafla, að viðbættu 25% álagi ef gagnaöflun er umfangsmikil, eða samkvæmt hagsmunatengdri málflutningsþóknun skv. III. kafla.
    2. Fyrir uppgjör bóta úr slysatryggingum eða öðrum sambærilegum tryggingum skal þóknun vera 10% af innheimtum bótum.
    3. Beiðni um örorkumat: kr. 45.000,-.
    4. Engin þóknun er greidd ef engar bætur fást greiddar, nema samið hafi verið um tímagjald vegna sérstakrar gagnaöflun

VII. KAFLI – BÚSKIPTI, ERFÐAMÁL OG SAMNINGAR

  1. Einkaskipti dánarbúa, félagsslit og fjárslit milli hjóna/sambúðarfólks:
  2. Grunngjald er kr. 87.500,- að viðbættu hlutfalli af heildarfjárhæð nettó eigna búsins:
    1. 8% af fyrstu kr. 720.000,-
    2. 6% af næstu kr. 2.160.000,-
    3. 3% af því sem umfram er.
    4. (Þóknun er þó aldrei lægri en sem nemur unnum tíma samkvæmt tímaskráningu skv. II. kafla).
  3. Opinber skiptastjórn, aðstoð við greiðslustöðvun eða umsjón með nauðasamningum: Samkvæmt tímagjaldi skv. II. kafla. Í stórum búum er heimilt að reikna 25% álag á tímagjald vegna fyrstu aðgerða.
  4. Erfðaskrár: Grunngjald kr. 45.000,- auk tímagjalds skv. II. kafla.
  5. Skiptasamningar (skilnaðir/sambúðarslit): Grunngjald kr. 75.000,- auk tímagjalds skv. II. kafla.
  6. Kaupmálar og sambúðarsamningar: Grunngjald kr. 45.000,- auk tímagjalds skv. II. kafla.
  7. Barnaréttur, forsjá, umgengni og barnaverndarmál: Grunngjald kr. 82.500,- auk tímagjalds skv. II. kafla.
  8. Félagastofnun (ehf.): Grunngjald kr. 80.000,- auk tímagjalds skv. II. kafla og opinberra gjalda
  9. Þóknun fyrir eignaumsýslu og gerð samninga um skuldaskil er kr. 95.000,- auk tímagjalds samkvæmt II. kafla.
  10. Almenn samningagerð og ráðgjöf:
    1. Gerð skuldabréfa og tryggingabréfa: kr. 45.000,- auk tímagjalds skv. II. kafla.
    2. Gerð leigusamninga: kr. 45.000,- auk tímagjalds skv. II. kafla. Komi stofan á leigusamningi skal þóknun vera sem nemur eins mánaðar leigu.
    3. Veðleyfi, veðbandslausnir og umboð: kr. 33.000,- auk tímagjalds skv. II. kafla.
    4. Munnleg ráðgjöf: grunngjald kr. 19.000,- auk tímagjalds skv. II. kafla.

VIII. LANDAMERKI, MERKJALÝSINGAR OG MÆLINGAÞJÓNUSTA

  1. Fyrir lögfræðilega samningagerð, gagnaöflun og frágang á þinglýsingarhæfum merkjalýsingum eða skiptagerðum greiðist grunngjald kr. 45.000,- auk tímagjalds samkvæmt tímaskráningu lögmanns og/eða mælingamanns skv. II. kafla.
  2. Fyrir mælingar á vettvangi, afmörkun landamerkja og GPS-hnitsetningu greiðist samkvæmt tæknilegu tímagjaldi skv. II. kafla (kr. 25.000,- auk vsk.).
  3. Fyrir úrvinnslu hnitaskráa, gerð mæliblaða, afmörkun loftmynda og skráningu í opinbera landupplýsingagrunna (t.d. HMS/fasteignaskrá eða sveitarfélaga) greiðist samkvæmt tæknilegu tímagjaldi skv. II. kafla (kr. 25.000,- auk vsk.).
  4. Vegna notkunar á sérhæfðum GPS-nákvæmnismælitækjum eða drónum á vettvangi er gjaldfært fast tækjagjald, kr. 10.000,- auk vsk. fyrir hvern mælingadag/vettvangsferð.
  5. Komi upp ágreiningur milli landeigenda sem krefst lögfræðilegrar ráðgjafar, hagsmunagæslu eða málflutnings fyrir dómstólum, reiknast þóknun lögmanna skv. lögfræðilegu tímagjaldi skv. II. kafla og málflutningsákvæðum gjaldskrárinnar.

IV. KAFLI – FASTEIGNASALA OG VERÐMÖT

  1. Sala fasteigna og skráðra skipa: 2,0% af söluverði (1,5% í einkasölu), þó að lágmarki kr. 250.000,-.
  2. Aðstoð við kaupendur / Skjalagerð: 1,0% af kaupverði, að lágmarki kr. 100.000,-.
  3. Kaup og sala lausafjár 3-5 % af söluverði en að lágmarki 50.000,-.
  4. Sala atvinnurekstrar 3-5% af söluverði.
  5. Kaup á atvinnurekstri 1% af kaupverði.
  6. Makaskipti: Við makaskipti er þóknun skv. 1. lið. Hafi önnur hvor eignin hvergi verið til sölu skal þóknun vera 1,5% af söluverði þeirrar eignar. Hafi eign sem boðin er í makaskiptum verið í einkasölu hjá öðrum fasteignasala tekur sá fasteignasali einn söluþóknun vegna þeirrar eignar, enda áriti hann og ábyrgist eigin kaupsamning. Þóknun fyrir skjalagerð og frágang við eignaskipti þegar hvorug eignin er á söluskrá og kaup hafa átt sér stað utan fasteignasölunnar er 1% af söluandvirði fasteignar/skips, en 5% af söluverði lausafjár, þó aldrei lægri en kr. 250.000,-.
  7. Umsýslugjald kaupanda: Fast gjald kr. 55.000,- vegna lögboðinnar hagsmunagæslu og gagnaöflunar fasteignasölu.
  8. Myndataka fasteignar: kr. 25.000,- til 35.000,- eftir stærð og umfangi.
  9. Auglýsingar: Innifalið í söluþóknun eru auglýsingar og kynning á heimasíðu lögmannsstofunar og á fasteignasíðum. Kostnað við gerð og birtingu auglýsinga skal viðskiptamaður greiða samkvæmt gjaldskrá viðkomandi auglýsingamiðils hverju sinni.
  10. Skoðun og verðmat:
    1. Þóknun fyrir skriflegt verðmat er unnið skv. tímagjaldi skv. II. kafla, auk aksturskostnaðar skv. X. kafla, en er að lágmarki:
      1. 35.000,- fyrir íbúðar- og atvinnuhúsnæði 0-200 fermetrar.
      2. 40.000,- fyrir íbúðar- og atvinnuhúsnæði 200-500 fermetrar.
      3. 45.000,- fyrir íbúðar- og atvinnuhúsnæði 500-1000 fermetrar.
      4. 75.000,- fyrir íbúðar- og atvinnuhúsnæði stærra en 1000 fermetrar.
      5. 35.000,- fyrir byggingarlóðir.
      6. 40.000,- fyrir frístunda- og sumarhús ásamt lóðum eða landi.
      7. 80.000,- fyrir frístundajarðir með mannvirkjum og hlunnindum og landspildur.
      8. 125.000,- fyrir bújarðir með kvóta, mannvirkjum og hlunnindum.

X. KAFLI – ÚTLAGÐUR KOSTNAÐUR, GAGNAÖFLUN OG AKSTUR

  1. Viðskiptamaður ber ábyrgð á öllum útlögðum kostnaði vegna málsins (svo sem þinggjöldum, þinglýsingargjöldum, birtingarkostnaði, vottorðagjöldum og sérfræðikostnaði).
  2. Akstur er reiknaður samkvæmt reglum Fjármálaráðuneytisins um aksturskostnað og dagpeninga.
  3. Heimilt er að gjaldfæra óvenju mikla notkun síma, bréfsíma, ljósritunarvélar eða annarra skrifstofutækja í þágu viðskiptamanns. Sama á við um póstburðargjöld og annað slíkt. Heimilt er að gjaldfæra kr. 300,- fyrir hverja ljósritaða blaðsíðu, þetta gjald fylgir gjaldskrá sýslumannsembætta vegna ljósritunar og breytist í samræmi við breytingar þar. Sama gjald er heimilt að gjaldfæra vegna afritunar og afhendingar gagna með rafrænum hætti fyrir hverja blaðsíðu
  4. Heimilt er að gjaldfæra vegna uppflettinga hjá áskriftaleiðum lögmannsstofunnar (t.d. hjá FMR, Creditinfo o.fl. skv. gjaldskrá með breytandi breytanda) með allt að 100% álagningu, eða því sem hér segir:
    1. Hjá FMR/Creditinfo:
      1. Uppfletting í FMR: kr. 700,-
      2. Fasteignayfirlit eignar: kr. 700,-
      3. Veðbandayfirlit: kr. 2.500,-
      4. Skannað þinglýst skjal: kr. 1.000,-
    2. Hjá Creditinfo:
      1. Tengsl stjórnenda: kr. 5.240,-
      2. Skönnuð skjöl félög (samþykktir, stofnskjöl o.fl.): kr. 3.800,-
      3. Eign í félögum: kr. 2.300,-
      4. Endanlegir eigendur: kr. 5.200,-
      5. Endanleg eign í félögum: kr. 4.800,-
      6. Ársreikningar, innslegnir: kr. 1.200,-
      7. Kennitöluleit fasteign án eignasögu: kr. 2.990,-
      8. Kennitöluleit fasteign með eignasögu: kr. 4.890,-
      9. Almenn leit í ökutækja- og vinnuvélaskrá: kr. 700,-
      10. Kennitöluleit í ökutækjaskrá: kr. 2.000,-
      11. Kennitöluleit í vinnuvélaskrá: kr. 1.800,-
      12. VOG Vanskilaskrá: kr. 1.900,-
      13. Áreiðanleikakönnun hjá Creditinfo (KYC/AML): kr. 5.800,-

XI. KAFLI – GREIÐSLUSKILMÁLAR

  1. Reikningar eru gefnir út rafrænt mánaðarlega eða við verklok og eru á gjalddaga við útgáfu.
  2. Heimilt er að krefjast innborgunar eða tryggingar fyrir áætlaðri þóknun og útlögðum kostnaði áður en vinna hefst.
  3. Verði vanskil á greiðslu reikninga reiknast hæstu lögleyfðu dráttarvextir frá gjalddaga til greiðsludags, auk innheimtukostnaðar skv. lögum.
  4. Lögmannsstofunni er heimilt að skuldajafna gjaldföllnum reikningum á móti fjármunum sem innheimtast eða greiðast inn á vörslufjárreikning vegna viðkomandi máls
  5. Áskilinn er réttur til þess að endurskoða gjaldskrá þessa, reglulega, með hliðsjón af almennri verðlagsþróun.

Gjaldskrá þessi tekur gildi 1. september 2026.

f.h. Lögmannsstofu Ólafs Björnssonar

Ólafur Björnsson lögmaður